الثلاثاء، 21 أكتوبر، 2014

بالفيديو طريقة عمل افضل واسهل سويسروال الفاينليا

طريقة عمل افضل واسهل سويسروال الفانيليا
المكونات 



140 غرام بياض البيض حوالي( 4من بياض البيض )
60 غرام سكر ناعم حوالي (1/4كوب +3/4ملعقة صغيره )
60 غرام صفار البيض حوالي (3صفار بيض )
40 غرام دقيق حوالي (1/4 كوب +1ملعقة صغيره )
1 ملعقة شاي ملح ناعم 
1 ملعقة صغيرة  الفانيليا 
60 غرام زيت الذرة حوالي (1/4كوب دقيق +1ملعقة كبيره ونصف ملعقة صغيره )
زبده لدهن الصينيه 
للحشو 
كريمه شكولاته او شكولاته فرد 
       أو 
215 جرام كريمه سائله 
1 علبة (312 غرام) البرتقال المعلب او اي فاكهه 
طريقة عمل 
سخن الفرن علي حرارة 200درجه تدهن الصينيه 35ونصف في 28سم او (14في 11انش)
 تدهن بالزبده ثم تفرش بورق الخبز 35ونصف في 35 ونصف او 14في 14 انش وتفرش الصينيه  
لعمل الكيك في وعاء نضع بياض البيض وباستخدام مضرب البيض علي سرعه متوسطه تخفق حتي يصبح الخليط رغوه كثيفة ثم يضاف السكر تدريجيا مع الاستمرار الخفق علي سرعه متوسطه حتي يصبح بياض البيض متماسك قليلا ثم باستخدام المخفقه اليدويه نقوم بالخفق في نفس الاتجاه حتي يكون متماسك تماما ويشكل( منقار)
 ثم يضاف صفار البيض واحده في كل مره مع الخفق بعد كل اضافه صفار البيض وتاكد من الخلط جيدا وفي نفس الاتجاه ثم ينخل نصف كميه الدقيق ويضاف الملح ثم وبحرص وباستخدام المخفقه اليدويه نقوم بخفق بحرص وفي اتحاه واحد مع عدم رفع المخفقه عند التقليب  حتي الدقيق يختلط تماما مع البيض ويختفي ثم ينخل باقي الدقيق ويخفق ايضا بحرص حتي يختفي الدقيق ثم يوزع الفانليا ويوزع الزيت علي الخليط ثم باستخدام الاسبتيوله نقوم بالتقليب الخليط في نفس الاتجاه من بره الي جو حتي يختلط تماما الزيت ويختفي ثم نقوم بخبط الوعاء علي السطح من 2 مرات ثم توضع في صينيه الخبز وتفرد مع دفع الخليط الي جوانب الصينيه بالتساوي وخبط الصينيه علي سطح العمل من 2الي 3مرات لازاله فقعات الهواء ثم توضع في الفرن من 9الي 10 حتي تصبح لونها ذهبي واسفنجيه دقائق مع الملاحظتها ثم تخرج من الفرن ونلبس جونتي المطبخ ونرفع الصينيه وتسقط 3الي 4 مرات حتي الجوانب تتحرر ثم تخرج من الصينيه  توضع علي رف السلك لتبرد 
ثم علي سطح العمل تفرد ورقه من الخبز وتقلب عليها الكيك بحيث يكون الوش من تحت ثم نقوم بازاله ورق الخبز الملتصق في الكيك وتوزع عليها الشكولاته او كريمه الشكولاته ثم تلف بورقه الخبز مثل الفيديو او بالايدي ثم باستخدام سكين مسسن تقطع وتوضع في الثلاجه الي حين التقديم 

لو انتي عايزه تعمليها بالكريمه والفاكهه نضع الفاكهه في منتصف الكيك وتلف الكيك وتوضع في الثلاجه ويفضل اكلها بعد 24 ساعه من عملها 
ملحوظه مهم جدا 
في مشاكل تقابلنا عند عمل السويسروال
1-ان الكيك صلبه وناشفه -2-ان القشره بتلزق في ورق الخبز -3-وان هناك تشققات عند لف الكيك 
انتوا عارفين ايه اللي بيخلي الكيك هشه وانتوا عارفين اكثر حاجات خطا تتعمل في وصفات السويسروال انهم بستخدموا دقيق كتير 
مفيش اي معني وفكره في اننا نعمل كيك هشه بس تكون ناشفه 
ايه اللي يجعل الكيك طري (الدهون سواء اذا كانت زبده  او زيت )لازم نضع الدهون اكثر من الدقيق
لو انتي عايزه كيك دايت وكربوهيدرات اقل استعمال الكيك دي 
في وصفات بتحط في الكيك ميه بس الميه مش بيخلي الكيك طري ليه ؟
بسبب لان كيك السويسروال رفيع جدا فالميه بتتبخر بسرعه علشان كدا لازم نضع دهون علشان الكيك تطلع طريه 
وايضا لاتخبز الكيك كتير علشان مينشفش
ازاي متخليش القشره تلزق في ورقه الخبز عند لفها ؟
متلفهاش في مرقه الخبز لفيها في الفوطه ،معظم الوصفات تقوال ان تلف الكيك وهي ساخنه علشان متشققش عند الف وتكون خدت الشكل الانابيب ،وكمان معظم الوصفات تقول ان ترشي سكر بورده علي ورقه الخبز عند لف السويسروال 
السكر البودره من المفروض ان يمنع الاتصاق الكيك بالورقه عند اللف (نظريا )اما عمليا لا يحدث ذلك (ليه )؟
لان الكيك عند لفها وهي ساخنه بورقه الخبز لان الحراره بتتكتم بين الكيك وورقه الخبز فيتجعل الكيك يعرق وبالتالي السكر يشرب الرطوبه فتلزق طبقة القشره في ورقه الخبز 
هل الكيك في الوصفه دي هتنشف بعد ما تبرد الكيك او هتشقق عند اللف ؟ليه ؟
علشان الكيك مرنه جدا بسبب طريه ضرب بياض البيض وطريقة وضع صفار البيض بيجعل الكيك مطاطيه اكثر ولذلك تكون الكيك هشه ومطاطيه فلا داعي ان نقوم بلفها واعادتها الي وضعها الطبيعي 

بالفيديو نصائح هامه جدا ومشاكل وحلولها عند عمل السويسروال

بالفيديو نصائح هامه جدا ومشاكل وحلولها  عند عمل السويسروال


الخميس، 16 أكتوبر، 2014

بالفيديو طريقة عمل ايس كريم فانيليا وايس كريم اوريو وايس كريم مانجو بدون ماكينه وبدون بيض 

طريقة عمل ايس كريم فانيليا وايس كريم اوريو وايس كريم مانجو بدون ماكينه وبدون بيض
 المكونات 
مكونات ايس كريم الفانيليا :
1 كوب كريمة خفق (240مل ) 
½ كوب حليب مكثف محلى (120مل ) 
2 ملعقة شاي مستخرج الفانيليا
مكونات ايس كريم الاوريوا :
2/3 كوب من بسكويت الاوريوامطحون بشكل خفيف بحيث يكون قطع وليس مسحوق 
2كوب من ايس كريم الفانيليا 
مكونات ايس كريم المانجو :
 1/4كوب من هريس المانجو (وهريس المانجو عباره عن هرس قطع المانجو دون تخفيفها بالماء )
 2كوب من ايس كريم الفانيليا  
ايس كريم بقطع الشكولاته  :
2/3كوب من قطع الشكولاته  وشكولاته بيضاء قطع 
2كوب من ايس كريم الفانيليا 

طريقة عمل 

لايس كريم الفانيليا : 

في وعاء نضع الكريمه وتخفق بمضرب البيض حتي تجمد في طبق او وعاء نضع الحليب المكثف مع الفانيليا ونقلب اما نضع حوالي 4ملاعق كبيره من الكريمه مع الحليب ونقلبه حتي يختلط جيدا ثم نضع برفق علي باقي الكريمه او نضع الحليب المكثف مباشره علي جانب وعاء الكريمه مع الحرص ثم نقلب برفق باستخدام الاسبتيولاه حتي يختلط معا مع الحرص عند التقليب ثم يوضع في العلبه ويوضع في الفريز حتي يتجمد من 6ساعات الي طوال الليل 

احنا عملنا كدا القاعده الاساسيه للايس كريم اللي احنا ممكن نخلط عليه اي حاجه نعوزها 

لعمل ايس كريم الاوريوا :نقوم بطحن بسكويت بسيط بحيث يكون قطع وليس مطحون ثم نضع عليها ايس كريمالفانيليا و ونقلب ثم توضع في الوعاء وتغلق جيدا وتوضع في الفريزر 
لعمل ايس كريم المانجو : 
في وعاء نضع 2كوب من ايس كريم الفانيليا ثم نقوم بتوزع هريس المانجو وتقليب بسيط حتي نحصل علي خطوط مانجو مع الفانيليا دون الزياده في الخفق حتي لا نحصل علي ايس كريم مانجو ثم توضع في وعاء المخصص لها وتغلق جيدا وتوضع في الفريزر
لعمل ايس كريم بقطع الشكولاته: نضع الايس كريم ثم نقوم بتوزيع قطع الشكولاته ونقلب وتوضع في الوعاء وتغلق وتوضع في الفريزر لحين الاستعمال 
ملحوظه 
ويمكن عمل اي نوع من الايس كريم الفانليا يمكن وضع عليه المكسرات او الفرمسيه الملون او قطع كيك من كيك اسفنجي او كب كيك  او من هريس فرواله استخدمي خيالك (وابدعي )

الثلاثاء، 14 أكتوبر، 2014

بالفيديو طريقة عمل ايس كريم القهوه وايس كريم الشكولاته بدون ماكينه وبدون بيض

طريقة عمل ايس كريم القهوه وايس كريم الشكولاته بدون ماكينه وبدون بيض 

المكونات 
مكونات ايس كريم القهوه :
1 كوب كريمة خفق (240مل ) 
2/3 كوب الحليب المكثف المحلى (160مل ) 
1 ملعقة طعام قهوه زائد 1 ملعقة صغيرة من القهوة سريعة الذوبان مذابه في  1 ملعقة طعام من الماء  الساخن 
مكونات ايس كريم الشكولاته :
1 كوب كريمة خفق (240مل ) 
2/3 كوب الحليب المكثف المحلى (160مل ) 
2 ملاعق طعام من مسحوق الكاكاو غير المحلى 
طريقة عمل 
لايس كريم القهوه :
تذوب 1 ملعقة طعام و 1 ملعقة صغيرة من القهوة الفورية في 1 ملعقة كبيرة من الماء الساخن ثم نضع الحليب المكثف علي خليط القهوه وتقلب جيدا 

ثم في وعاء نضع الكريمه وتخفق جيدا حتي تتماسك وتتجمد ثم يوضع حوالي 3ملاعق كبيره من الكريمه علي خليط القهوه وتقلب الي ان تختلط جيدا ثم يضاف خليط القهوه الي باقي الكريمه ويقلب بحرص الي ان تختلط جيدا ثم توضع في علبه وتغلق جيدا وتوضع في الفريزر 
لايس كريم الشوكولاته: 
إضافة 2/3 كوب من الحليب المكثف المحلى في وعاء وينخل عليه في 2 ملعقة طعام من مسحوق الكاكاو غير المحلىويقلب معا حتي يختلط معا جيدا 
ثم في وعاء نضع الكريمه وتخفق حتي تتماسك وتجمد ثم يضاف حوالي 3ملاعق كبيره من الكريمه علي خليط الشكولاته ويقلب جيدا ثم يضاف خليط الكاكاو علي باقي الكريمه مع الحرص عند صب الخليط الشكولاته وبحرص يقلب معا حتي يختلط معا جيدا ثم يصب في العلب وتغلق جيدا وتوضع في الفريز حتي تتجمد

يوميات شري   © 2008. Template Recipes by Emporium Digital

TOP